Pages: [1] 2 3   Go Down
  Print  
Author Topic: MEMORANDUM OF UNDERSTANDING. - Urdu  (Read 28596 times) Average Rating: 3
masood
Guest
« on: March 30, 2010, 11:32:14 AM »

MEMORANDUM OF UNDERSTANDING.
(Samjhote ki yad daasht)
MEMORANDUM OF UNDERSTANDING. Aise dastawez ko kehte hain jisme do fareqain ke darmayan hone ya hosakne wali tamam baton ko shumar kiya jaye, aur apasi razamandi se isko ek qanooni shakal dedi jae.

Ye MEMORANDUM un tamam logon par naafiz hota hai jo is forum se jude hue hain jaise ke Administrator, Global Moderator, Knight Riders, Gem Of Forum, Members, Special Members aur Guests.

Management:  is forum ka intezamiya Administrator aur Global Moderators par mushtamil hai.
Forum intezamiya ke saath ek ta’aruf


Administrator: Masood Khatri
Inko PM (personal massage) agar bhejna ho to Inka PM name hai:  “Masood Khatri"

Global Moderators: Moderators ki team me Mard o Khawateen shamil hain, zail me dono ka taaruf alaheda alaheda diya jaraha hai.

Global Moderators Mard (MALE) :
1.       Rizwan Maniar
2.       Mazhar Rehmani
3.       Altaf Sultani
4.       Imran Rahat Shaikh
 
Global Moderators Khatoon (FEMALE) :
1.       Sister Sana Shaikh
2.       Sister Farha Khan Pathan
3.       Sister Asiya.

 
Admin ya Mods se contact karne ke liye ya to inko PM kar sakte hain ya phir is email par rabt kar sakte hain: indiansunni@gmail.com

Is memorandum ka itlaq zail me di gai tamam websites par hoga :
Aulia-e-hind.com, Kgn786.com,  Silsilia-e-rehmani.com,  Sunnilive.com, SayedAliMiradatar.com

Forum Ke Qawaneen:
ARTICLE 1: Agarcheke hum puri koshish karte hain ke is forum par post kiye gaye har massage per hamari kadi nazar ho magar phir bhi hum is forum par post kiye gaye har massage ki tasdeeq nahi karte ke post kiya gaya massage sahih, mukammil, ya qabil e istemal hai.
Aap is baat se ittefaq karte hain ke ye forum aur iska intezamiya, is forum per post kiye gaye kisi massage ya mawad ke liye zimmedar nahi hai.
 
ARTICLE 2: Aap ye iqrar karte ho ke aap is forum ka istemal kisi aise mawad ko post karne ke liye nahi karoge jo ke ghalat, hatak amez, behuda, ghari muhazzib, nafrat angez, pareshankun, ganda, ghair mazhabi, jinsi taur par ghair akhlaqi, (sexually oriented), dhamki amez, kisi ki khilwat me dakhal andazi karta hua, ya phir kisi qanoon ki khilaf warzi karta hua ho…
 
ARTICLE 3: Aap is iqrar karte ho ke aap koi copyrighted mazmoon ya mawad (aisa mazmoon jiske jumla huqooq sahib e mazmoon ke pas mahfooz ho) post nahi karoge, jabtak ke aap ko sahib e mazmoon ya sahib e mawad ki taraf se khuli ijazat na mil jae..
tashheeri mazameen, zanjeeri khutoot, bejaa paisa kamane ki scheme waghera is forum ke liye ghair munasib hain, is liye is se ehtiyat zaroori hai, is tarah ke kisi bhi thread topic ya post ko nikal dene, badal dene, ya band kardene ka ikhtiyar forum intezamiya ko hai.

ARTICLE 4: Kisi bhi thread ya topic ko shuru karne se pehle ek baar is forum par zaroor talash karlijiye ke kahin wo mazmoon ya mawad jo aap share karna ya post karna chahte hon wo pehle se maujood to nahi? Isko talash karne ke liye forum ke SEARCH button ko istemal karte hue apne mazmoon ka makhsoos lafz type kijiye aur search button per click kijiye. Agar wo mazmoon pehle se maujood hai to usi me apni baat share kijiye warna ek hi mazmoon per ek se zada topics ya thread shuru karna bekar hai.

ARTICLE 4a : Agar koi member koi topic start karta hai aur wo topic pehle se bhi is forum par maujood ho to us member ki topic ko delet nahi kiya jaega balki us member ko reply ya PM ke zarye pehle se maujood thread ya topic ke bare me bataya jaega ek link bhi dedi jaegi jo pehle se maujood thread ya topic par pahochati ho.

ARTICLE 4b : CAPS letters istemal karne se ehtiyat karein khusoosan thread ke title me, kyunke CAPS LETTER me likhe gaye lafz ko padhne me dushwari bhi hoti hai aur jo bhi CAPS me likha jata hai usko lafz ko SEARCH ENGINES nahi talash kar pate hain, isliye bhale hi aap ki post bohot maana khaiz aur umda ho par chunke search engines isko talash nahi kar paenge is liye jo user aap ke makhsoos topic ko search karna chahta hoga wo aapke topic tak nahi pahonch paega.

[CAPS ko change karna bohot hi asaan hai, bas MICROSOFT WORD open kijiye aur apne mawad ya un alfaz ko jisko aap change karna chahte ho WORD me paste kijiye aur un tamam alfaz ko select karke FORMAT menu par click kijiye wahan aap ko CHANGE CASE ka option nazar ayega, bas apni marzi mutabiq CAPS ko small letters me ya small letters ko CAPS me badal sakte hain]
 
ARTICLE 5 : Kisi bhi mawad ko sirf usi soorat me copy paste karne ki ijazat hai jabke wo mawad maakhaz (source) website se delete hojane ka khadsha (doubt) ho ya makhaz website ghair sunni ho. Agar aisi baat na ho to sirf link hi post kardena kafi hoga mawad nahi.

ARTICLE 5a : Lamba chouda taweel mazmoon post karne ki ijazat sirf us soorat me hai jabke wo khud user ki taraf se likha gaya ho.
 
ARTICLE 6 : Koi file jo ke apne size ke hisab se 1 MB se zada ho to aisi files ko http://www.mediafire.com/ per upload karke uski link attach kardi jaye.
 
ARTICLE 7 : Chher chhad ya flirting ki qatai ijazat nahi hai. Tamaam mard users/members ko ye lazmi hai ke wo khatoon users/members ko lafz BEHEN ya SISTER se hi mukhatib Karen.

ARTICLE 7a : Taaam khatoon users/members ko ye lazmi hai ke wo mard users/members ko lafz BHAI ya BROTHER se hi mukhatib Karen.

ARTICLE 7b : Hum log yahan par islam ki taleemat sunniyat ke nazarye me ek dusre ke sath bantne ke liye aye hain ladke ladkyo se dosti karne ke liye nahi.      sirf islami batein aur islami bahes ko hi saraaha jaega aur dusri baton ki hamare forum par koi jagah nahi hai.
 
ARTICLE 8 : CHATROOMS sirf Administrator, Global Moderator aur Gem Of Forum ke liye hi khula hai. Jab kabhi bhi intezamiya tay kare ke chat rooms tamam members ke liye khola jana chahiye tabhi ye sab ke liye available hoga aur jab kabhi bhi intezamiya ye tay kare ke chatroom sab members ke liye band kar diya jana chahiye to ye band kar diya jaega. Iska faisla intezamiya ke apasi mashware se hoga.
 
ARTICLE 9 : Ek jaise mazmoon ke 2 ya 2 se zyada threads ya topic start karne ki ijazat nahi hai. Aur mazmoon se be talluq posts karne ki bhi ijazat nahi hai. Apne mazmoon to title ke hisaab se hi likhiye aur kisi bhi discussion ko beja idhar udhar ke aul faul bato se ghumana thik nahi hai. Agar administrator ya moderators ko aisa koi thread ya topic dikhai de jis me is usool ki khilaf warzi ki gai hai to admin ya mod us topic ya thread ko aur usme post ki gai tamam replies ko delet kar sakte hain.
 
ARTICLE 10 : Ye tamam members ki zimmedari hai ke wo kisi bhi aise PM ya massage ki ittela moderator ya administrator ko de jo ke is MoU ke kisi bhi article ke khilaf ho.
 
ARTICLE 11 : Hamare forum par sirf islam ke mutalliq hi tamaam ya sabse zada thread/topic hain. Jo bhi ishtehari ya advertisement thread ya topic hoga usko delet kar diya jaega. Agar koi member ya users islam se ghair mutalliq ishtehar/advertisement post karta hai to uski post ko fauran delet kar diya jaega aur ho sakta hai ke user/member ko fauran ban kardiya jaega.
 
ARTICLE 12 : Shaksi hamla mamnoo (no personel attack), dusro ko nicha dikhana, dusro par hasna, gaali dena, dhamki dena,    ghalat alqaab se pukarna, tanz ya taana dena, is tarah ke alfaz istemal karna ke “logoun ko gumrah karna band karo” wagera, kisi ko kosna, ya badnam karna, ulama e ahle sunnat ko ya kisi muslim user/member ki takfeer karna yani ke inko munafiq, kafir, ya mushrik kehna bilkul mana hai aisa karne wale ke khilaf sakht action liya jaega.
 
ARTICLE 13 : Is forum ki bunyadi language ENGLISH hai lekin aisa dekha gaya hai ke aksar users/members ko English nahi aati, to aise members ko kulli taur per apni post roman urdu me likhne ki ijazat hai, agar mumkin ho to koi dusre members roman urdu ko English me translate kar sakte hain. Par jinko English nahi aati wo bhi apni baat keh sakte hain roman urdu me likh ker. Magar English is forum ki bunyadi language hai.
 
ARTICLE 14 : Kisi bhi Nabi/ Rasool/ Sahaba/ Ahle bait/ Azwaj e mutahharat/ Tabaeen/ Taba-tabaeen/ A’imma e Arba’aa, aur Auliya allah ki shaan me thodi sib hi gustakhi bardasht nahi ki jaegi. Jo bhi member/user in islami shaksiyaat ke bare me kuchh bhi bura bhala kahega usko warning ke saath ya bina warning ke bhi ban kiya ja sakta hai.
 
ARTICLE 14a : Aisa koi thread/topic ya massage post karne ki hargiz hargiz ijazat nahi hai jisme anbiya alehimussalam bashmool nabi musa, isa, alehimussalam aur nabi e akram Muhammad sallallahu alehi wasallam, sahaba e karam auliya e izaam ki shaan me na shaista ya ghair muhazzib alfaz ka istemal kiya gaya ho, Is muahede ki khilaf warzi karne wale ke khilaf sakht action liya jaega, ho sakta hai aarzi taur par ya mustaqil taur par ban kar diya jaega ya ghalati ki gehrai ko madde nazar rakhte hue sirf warning di jaegi.

{Khatimunnabiyeen syedul mursaleen Muhammad Mustafa ke naam ke saath hamesha “Sallallahu alehi wasallam” Likhna, baqi tamaam anbiya ke naamo ke saath “Alehissalam” aur tamaam sahaaba ke naam ke saath “Raziallahu anhu” aur tamam Auliya Allah ke naam ke sath “Rahmatullah alehi” likhna LAAZMI hai.}
 
ARTICLE 15 : Aise massages jo islam ya maujooda bahes se ghair mutalliq ho un massages ko baar baar post karna aur ek din me kasrat se ghair mutaaliq massages post karna spamming kehlaega aur spamming is forum per mamnoo hai.
 
 
Logged
Aulia-e-hind.com
« on: March 30, 2010, 11:32:14 AM »

 Logged
masood
Guest
« Reply #1 on: March 30, 2010, 11:33:28 AM »

ARTICLE 16 : Hum har firqe aur mazhab ke manne walo ka tahe dil se isteqbal karte hain aur ye hamari koshish hai ke tamam firqo aur mazhabo ke manne walo ke sawalat ke jawabat ahle sunnat wal jamaat ke akabir ulama aur a’imma ke nuqta e nazar se diye jaen. Hum kisi aise shaks ko mutmain nahi kar sakte jo yaha par apne sawalat ke jawabat hasil karne ke liye nahi balki apne firqe ke aqaed phailane ya apne mazhab ko phailane ya islam ke khilaaf bato ko phailane aya ho. Jo bhi aisa karega hum usko fauran ban kardenge.
 
ARTICLE 17 : In muahedo/Articles me bayan kiye gaye kisi bhi article ki khilaf warzi karne walo ko warning di jaegi. Khilaf warzi karne walo ko ban karne se pehle 3 bar warning di jaegi agar wo phir bhi waisi hi ghalti kare to ban kar diya jaega. Aur kuch khatarnak ghalatiya aisi bhi hain jisme bina warning ke bhi kisi ko arzi ya mustaqil taur par ban kiya ja sakta hai, jumla huqooq intezamiya ke pas mehfooz hain.

ARTICLE 17a : Muhazzib taur tareeqo par chalna hoga aur jo taur tareeqe batlae gaye hain inko follow karna lazmi hai, agar is forum ke rules ko aap follow nahi kar sakte ya nahi karna chahte hain to beshak aap is forum se jaa sakte hain aap per koi zabardasti nahi hai.

ARTICLE 17b : Kisi bhi usool ki khilaf warzi par koi bhi moderator aap ko warning de sakte hain ya aapki post, poll ya event ko delete karsakte hain, lekin phir bhi moderator ko chahiye ke jahan kahin bhi koi ghalat baat nazar aye ya masla mushkil hota jaae to dusre moderators ko bhi apne faisle me shamil kiya jae.
 
ARTICLE 18 : Forum intezamiya ya forum ki intezami policy ke khilaf koi bhi siasat ya jhagda fasad karne ke liye kisi bhi thread ya topic ka start karna ya koi massage ya poll start karna ya koi aisa massage karna jis se jhagda fasad ho ya kisi member ke khilaf koi bhi karwai karne ke liye massage karna mamnoo hai. Jo bhi aisa karega usko fauran ban kardiya jaega, aur ye zimmedari moderators par ayad hoti hai ke aisa karne wale ke khilaf fauran sakht action le, bhale hi aisa karne wala koi moderator ya moderator ka qareebi dost ho, wo jo bhi ho uske khilaf sakht action liya jana lazmi hai.

Ye baat bohot buri lagti hai par iske natayj bohot behter honge insha allah

ARTICLE 18a : Is forum par koi politics nahi chalegi, sirf aman o amaan aur islaam ki hi batein hongi aur kuchh nahi, koi bhi aisa thread ya topic jo kisi bhi member ya intezamiya ke khilaf shuru kiya gaya ho usko fauran delete kardiya jaega aur start karne wale ko ban kardiya jaega chahe wo koi senior member ho ya koi new member ho.
 

ARTICLE 19 : Seniority ya fa’aliyat ke naam par kisi ko koi fauqiyat nahi hai sab barabar hain chahe wo new member ho ya old. Seniority ya activity ke naam par is forum par koi qabza nahi kar sakta jis se ke awam ke samne islam ki ghalat tasveer pesh ho.  
 
ARTICLE 20 : Kisi bhi qisam ki group bandi ki ijazat nahi hai, aisa karne wale ke khilaf forum rules ke mutabiq karwai ki jaegi.
 
ARTICLE 21 : Bekaar ki batoun aur jhagdon par kadi nazar rakhi jaegi aur jo bhi member ya users aisa karega to uske khilaf forum rules ke mutabiq sakht karwai ki jaegi bhale hi wo user/member is forum ka kitna hi bada muawin ya madadgar raha ho ya kitna hi achha rol ada karta ho forum ki bhalai ke liye, jo bhi ye rule todega uske khilaf karwai ki jaegi.

ARTICLE 22 : Dusre mazahib ki tableegh sakhti se mana hai.

 
ARTICLE 23 : Dusre members/users ke nuqta e nazar aur khayalat ki izzat Karen, ye zaroori nahi hai ke aap se jitney log milte hain wo sab ke sab aap ki baat se muttafiq hote hon, isi tarah se yahan par bhi aap apna nuqta e nazar ya apna khayal ya apna aqeeda dusro par zabardasti nahi daal sakte. Bas apni baat kahiye aur agey wale par chor dijiye wo chahe aapki baat mane ya na mane.
 
ARTICLE 24 : Baray karam apne threads aur posts me muhazzibana rawaiyya ikhtiyar karein, yaad rahe ke hamara ye forum tableegh talqeen ya kisi par aib lagan eke lye nahi hai balke hum yahan par apna ilm bantne aur apna khayal dusro ke sath share karne aur dusre members/users se kuchh seekhne ke liye jama hue hain, intezamiya is baat ki ijazat nahi deta ke koi bhi user/member kisi ki be izzati karne jaisa thread ya topic start kare, hum yahan kuch seekhne aur apna ilm bantne aye hain, tablegh ya ayb joi ke liye nahi.

ARTICLE 24a : Muaddibana aur pur akhlaq nazm o nusq nafiz karne me moderators bohot sakht hain, aur is forum ke member hone nate ye aapki bhi zimmedari banti hai ke is forum ko pur aman rakhe aur gali gloj se parhez karein.
 
ARTICLE 25 : Forum Intezamiya
Forum intezamiya Administrator aur Global Moderators par mushtamil hai.

ARTICLE 25a : ADMINISTRATOR, is forum ke takneeki sarbarah hain jinki zimmedariyan hain ; hasbe mamool forum ka backup lena, forum ko update karna, boards ya child boards banana, kisi bhi member ke liye permissions set karna aur dusre tamam takneeki kamon ko moderators ke sath salah o mashwara lekar anjam dena.

ARTICLE 25b : GLOBAL MODERATORS, ye is forum intezamiya ke wo log hain jinko forum ka malik bhi kaha ja sakta hai, ye wahi log hain jo administrator ke sath milker is forum ki khair o aafiyat per kadi nigah rakhte hain, moderators is forum intezamiya ke wo log hain jo gem of forum ke sath milker board per kiye gaye sawalat ke jawab dete hain, aur dusre users/members ki help karte hain, users/members ko ban ya delete kar sakte hain, kisi bhi post ko Edit, Delete, Move, Remove ya sticky kar sakte hain,, intezamiya ke sabhi faisle moderators kar sakte hain ek akela moderator bhi kar sakta hai ya dusre moderators ke salah mashware ke baad dusre moderators ke sath milker bhi koi faisla kar sakta hai, moderators ya administrator ke faisle ke khilaf intezamiya se koi bhi shaks sawal nahi kar sakta.

ARTICLE 25c : KNIGHT RIDERS, ye is forum ke intezamiya ke wo members hain jo is forum ko United Kingdome ya United States me rehkar moderate karte hain, is tarah Knight Riders is forum intezamiya ko 24 ghante is forum par nazar rakhne me madad karte hain, inko ek normal member se zyada authority hoti hai bilkul moderator jaisi, wo kisi bhi post ko edit, delete, move, remove kar sakte hain aur wo kisi bhi member ko ban ya delet bhi kar sakte hain, agar inke harkaat o sakanaat is memorandam of understanding ke mutabiq na ho to inko Knight Riders ki position se bartarf bhi kiya ja sakta hai.

ARTICLE 25d : GEM OF FORUM, ye wo members hain jo is forum per nihayat hi fa’aal hote hain aur is forum ke liye bohot mehnat karte hain aur is forum ko apna bohot sara waqt dete hain, gems of forum ko moderators aur administrator ke salah mashware se kabhi bhi MDERATOR banaya ja sakata hai, aur inko kabhi bhi apni postion se bartarf bhi kiya ja sakta hai agar inke harkat  o sakanaat is memorandam of understanding me batae gaye articles ke mutabiq na ho to, inko kisi bhi normal member se zyada huqooq diye gaye hain, inki rasaai moderator board tak bhi hai.

ARTICLE 25e : Spl Member, ye wo members hain jinho ne is forum ke rule ko 1 ya ek se zyada bar toda hai, members ke is group me hone ka matlab hai ke ye member kisi bhi waqt ban kiya jasakta hai, kisi bhi member ko ban karne se pehle is darje me rakha jata hai, Spl Members ke huqooq bohot mehdood hote hain, normal member se bhi kam. Inke alawa jo hain wo sab normal members hain.
 

ARTICLE 26 : MODERATORS aur GEMS is forum ke ayna (mirror) hain, inki taraf se kahi gai baat aur is FORUM ki baat ek hi hai, isi liye ADMINISTRATOR, MODERATORS  aur GEMS ko chahiye ke wo kisi bhi post ka reply dene se pehle ya comment dene se pehle CAREFULLY us post ko padhle, MODS aur GEMS ko bataur e khaas apne coments wagera me ehtiyat karni chahiye.

 
ARTICLE 27: Halanke is forum par intezamiya ki kadi nazar hoti hai magar phir bhi har post ki nigrani karna mumkin nahi hota, agar aap ko aisi koi baat nazar aye jo is forum ke usool ke khilaf ho ya kisi ka ghalat bartao ya kisi bhi ghalat post ke bare me MODERATOR ko PM bhej kar inform Karen, Jab bhi aap kisi member ya topic ke bare me report karna chahte ho to intezamiya ko PM ya email karte waqt us member ke profile ki link, ya us post/page ki link zaroor shamil karein jahan par aap ko koi ghair usooli baat nazar aai ho.
 
ARTICLE 28: Ghalat bartao ko badhawa mat dijiye aur kisi bhi ghair akhlaqi aur ghair usooli topic me apna reply mat dijiye bhale hi aap huq par honge, kisi se ghair zaroori jhagda karne ke nateeje me aap ko ban kiya ja sakta hai.
 
ARTICLE 29: Is website per jo Ishteharat / Advertisement nazar arahe hain wo sidhe GOOGLE ki janib se hai, Forum aur intezamiya ka un ishteharat se muttafiq hona zaoori nahi. Aulia-e-Hind.com un ishteharat ya advertisement se hamesha ittefaq rakhna zaroori nahi. In ishteharat ki ijazat amdani ki khatir di gai hai taki website ke kharcha asani se puraa ho sake.

Agar aapko koi advertisement ghalat lage to bas sirf us advertisement per click kijiye aur us ki link indiansunni@gmail.com per humko email kar dijiye hum us advertisement ko hamari website per block kardenge.
 
ARTICLE 30: Forum intezamya koi NAZRANA ya ATYA nahi leta na hi cash me aur na hi kisi dusri shakal me. Agar aap ko kisi mazaar par chadar wagerah chadhana ho to directly dargah se rabta Karen.
Logged
Aulia-e-hind.com
« Reply #1 on: March 30, 2010, 11:33:28 AM »

 Logged
masood
Guest
« Reply #2 on: March 30, 2010, 11:34:03 AM »

ARTICLE 31: Ye wesite niji taur par chalai jane wali ek maloomati website hai, is website ka ki bazabta sarkari ya ghair sarkari taur par kisi bhi DARGAH ya TRUST se ya us se judi hui/mansoob kisi bhi TANZEEM se koi rabt nahi hai, aur na hi is website ko unki taraf se koi support milta hai.
 
ARTICLE 32: Hamari website par maujood jitna bhi mawad hai wo sab ya to intezamiya ya phir dusre members ki taraf se bheja gaya hai, Aulia-e-hind.com ka intezamiya is baat ki koi guarantee nahi leta ke ye website aur isme maujood mawad sahi ho aur is website ki karkardagi har waqt bilkul sahi ho, aur intezamiya koi nazrana ya fees ya hadya is baat ke liye qubool nahi karta ke koi dargah ya kisi  information is website per add ki jae yar us information ko pehle ya aagey likha jae.
 
ARTICLE 33: Ye baat dhyan me rakhiye ke intezamiya ke liye ye mumkin nahi hai ke wo har post ki sadaqat kar sake, hum is forum par zaroor nigah rakhte hain par phir bhi mumkin hai ke koi ghalat mawad yaha par post hojae,  isi liye jo mawad post kiya jata hai uske liye intezamiya zimmedar nahi, yahan par post kiye gaye massage ki sachai, kamiliyat, aur qabil e istemal hone ke bare me intezamiya koi tamaniyat nahi deta, job hi post yahan per ki jati hai wo mazmoon nigar ya post karne wale ka zati khayal hai aur is forum ka us se ittefaq karna zaroori nahi.agar kisi ko lage ke post kiya gaya massage qabil e eteraz hai to wo fauran administrator ya moderator ko inform kare.agar intezamiya ko lagega ke post ya massage qable eteraz hai to intezamiya apne huqooq istemal karte hue us post ya massage ko delet edit ya move kar sakta hai, chunke ye takneeki kaam hai isliye is kaam me thodi bahot takheer bhi ho sakti hai.
 
ARTICLE 34: Jo mazmoon, massage, ya mawad tum is forum per post karoge uske mukammil zimmedar tum khud ho, aut tum ye qubool karte ho ke tumhara post kiya gaya mawad is forum ya is se judi dusri websites ke owner ya intezamia ke lye nuqsandah nahi hai, agar tumhare is forum ya is se judi websites use karne ki wajah se agar koi complaint ya koi legal action liya jae to intezamia ke pas ye huq mehfooz hai ke wo tumhari identity aur dusri shanakht zaher kar sakta hai.

ARTICLE 35 : Register karte waqt aap apna username chun sakte ho, hamari salah hai ke aap apna username munasib aur mozoon rakhe, aap ye qubool karte ho ke aap apna password kisi ko nahi doge siwae administrator ke wo bhi kisi shadeed zaroorat ke tahet, aap qubool karte ho ke aap kabhi kisi bhi wajah se kisi dusre member ka account istemal nahi karoge. Ye hamari khususan guzarish hai ke aap apna password uniq aur sabse juda be misl rakhen taki aapka account chori na hosake.

ARTICLE 36: Register aur login karne ke baad ye aapki zimmedari hai ke aap apne profile me sahi aur muhazzib information add Karen. Agar aapke pofile me koi ghair akhlaqi baat intezamia ko nazar aye to aap ko batakar ya bataye bina aapke profile se information delete kardi jaegi. Aap apne profile mai koi bhi aise webpage ki link nahi likhe sakte jo islam ya sinnism ke khilaf ho, ya koi aisa webpage ho jis per pornographic ya ghair akhlaqi mawad ho, apne profile me apni jins (gender) muqam (location) aur taikh e paidaesh (date of birth) zaroor likhna.
 
ARTICLE 37: Username ka usool ye hai ke apna username chunte waqt is baat ko dhyan me rakhna hoga ke aapka username ka matlab islam ya sunnism ke khilaf nahi hai aur aapke username ka koi ghair akhlaqi matlab bhi nahi nikalta ho, koi bhi aisa username jiska matlab islam ke khilaf ya sunnism ke khilaf nikalta ho ya ghair akhlaqi ghair muhazzib ho usko intezamiya aapko bataye baghair badal sakta hai ya delete kar sakta hai.
 

ARTICLE 37a : Avatar ke usool
Na Manzoor: Kisi bhi mard ya aurat ki tasveer chahe wo muslim ho ya ghair muslim, ambiya ki tasweer, butho (idols) ki tasweer, aur koi bhi pornographic, ghair akhlaqi tasweer lagane ki ijazat nahi hai.

Manzoor:  peer o murshid ki tasweer, chhote bacche ki tasweer, shijra e silsila ke tasweer, masjid ki tasweer, dargah ya mazar ki tasweer, koi islami naaraa (slogan), islami shayari, manazir e qudrat (jhaad, pahad wagerah) lagane ki ijazat hai.

 
ARTICLE 38 : Hoshyar bash, aapki har post ke saath apka IP address mahfooz hojata hai, agar aap koi zada badi khilaf warzi karenge ya is forum ko koi nuqsan pahocha sakne wali harkat karenge to is soorat me aapke IP se hum aapko ban kar sakte hain aur ya aap ke ISP se rabta karke aapko trace kar sakte hai.
 
ARTICLE 39: Ye baat bhi zahen nasheen kar lijiye ke is forum ka software Cookies( jo k eek text file hoti hai jisme aapka username wagera mahfoz hota hai) aapke browser ke cache me save karta hai taki aap login aur log out ho sake, ye software is cookie ke alawa aapke computer me dusri koi chiz ki dakhal andazi nahi karta.
 
ARTICLE 40: Jo koi bhi is forum per maali imdaad puchhega Kisi bhi member se usko fauran bann kardiya jaega.
 
ARTICLE 41: Hamara forum is baat ko nahi sarahta ke koi maali imdaad mange masjid, madarsa banane ya kisi dargah ki marammat, ya kahi niyaaz karne ke liye, aur kisi bhi member ko aisi koi request post karne ki ijazat nahi hai.
 
ARTICLE 42: Administrator, moderator aur kisi bhi member ya guest ko aap apni personal detail jaise ke email address, postal address, telephone number ya kisi bhi qisam ki koi personal detail mat dijiye siwae uske jo ke profile me puchha gaya hai, is forum par kisi se bhi contact ka zariya sirf PM yani ke personal massage.
 

ARTICLE 43: Gharelu aur zati zindagi ke masael is forum per discuss kar sakte hain, Agar aapko koi salah mashwara chahiye to board par mufti sahab ka number maujood hai unse baat kar sakte hain ya phir intezamiya ke kisi member ko PM bhej kar apne masle ka hal bhi puchh sakte hain, KISI BHI MEMBER ya MODERATOR ko apne Ghar, Shehar EMAIL, PHONE ya aur kisi bhi tarah ka pata na btayein..
 
ARTICLE 44: Mard users/members ko agar koi problem ya mushkil pesh aye to wo mard moderators se contact kar sakte hain, aur khatoon member/user ko koi masla darpesh ho to wo khatoon moderator se PM ke zariye contact kar sakte hain.
 
ARTICLE 45: Har peer (Monday) ko ek newsletter bheja jaega. Monaday se lekar Sunday tak jitni posts hui hain un me se sabse behtereen 10 posts ka intekhab karke usko newsletter ki tarah bheja jaega. Ye zimmedari har moderator bari bari nibhaenge.
 
ARTICLE 46: Ye forum sakht sharai qawaneen ke tehet hai, koi bhi post, dargah, ya amal jo sharyat ke khilaf ho usko yahan bardasht nahi kiya jaega, aisi koi bhi dargah jahan par ghair sharai amal hote hon un dargahon ko web site par se fauran nikal diya jaega, aur aisi koi bhi post jo sharyat ke khilaf ho usko bhi remove kar dya jaega. Add karne ya remove karne ka mukammil ikhtiyar intezamiya ko hai.
 
ARTICLE 47: Sirf zaati ya taleemi maqasid ke liye hamari group websites per maujood mawad ya mazameen ko copy kiya jasakta hai. Aur agar aap koi copyrighted material hamari kisi website se copy kar rahe hain to is ke saath us ijazat name ko bhi zaroor copy karna jo iske copyrighted hone ko zaher karta hai. Aap hamari website ka mawad islam ki tablegh ke liye copy kar sakte hain, par hamari website par se copy kiya gaya mawad change nahi kar sakte, tajdeed nahi kar skte, sare aam bant nahi sakte, tash heer nahi kar sakte, radd o badal (modification) nahi kar sakte, ya kisi bhi tarah se copy kiye gaye mawad ko bigad nahi sakte, bina ijazat lye.
 
ARTICLE 48: Agar koi waqaya post kiya gaya hai aur us waqaye me koi be adabi bhi nahi hai to phir koi daleel puchne ki zaroorat nahi reh jati. Haan agar Quran, Hadees ya kisi Fatwa se mutalliq koi baat ho to daleel zaroori hai.

Hadees ya fatwa ki soorat me humko daleel zaroor chahiye bhale hi usme be adabi ho ya na ho, taki koi humare team members per ungli na utha sake, forum intezamiya eteraz karna forum par eteraz karne ke barabar hai.

Woh 313 deewane hi the jung e badr mein.....jab hamare Aaqa sallallahu alaih wasallam ne meraaj ki....toh Sayyidina Abu Bakr radi Allahu anhu ne daleel nahi maangi..... he accepted coz the incident was praiseworthy. Hum toh Aashiq e RasoolAllah sallallahu alaih wasallam aur Ahle bait hai.......hamare Aaqa sallallahu alaih wasallam ne pehle Islam Deewano ke through failaya hai.....Aalim, Mufti or Haafiz toh baad mein aayee......

ARTICLE 49: Kisi munazere me bahes karne wale users ko chahiye ke wo asal mudde par hi baat karen agar mudde se hat kar koi baat kare to us post ko delet kar diya jaega, aisi kisi baat ke lye naya thread start kiya ja sakta hai. Munazerah me topic ko asal subject se modna nahi chahiye. Agar aap munazera ko koi naye mudde par modna chahte hain to behter ye hoga ke us naye mudde ko lekar dusra thread shuru kiya jaye. Aur un dono threads ko ek link ke zariye connect kardiya jae.
 
ARTICLE 50: Intezamiya ke paas jumla huqooq mehfooz hain, aur intezamiya ko pura ikhtiyar hai ke wo kisi bhi thread post ya topic ko badale, move kare, delete kare, ya close/lock kare kisi bhi wajah ke liye. Aur upper bayan kiye gaye tamaam articles rules and regulations me radd o badal kiya ja sakta hai agar intezamiya ko zaroorat mehsoos ho to.
                                                                                                                                                  
Logged
masood
Guest
« Reply #3 on: March 30, 2010, 11:40:30 AM »

Attached Word File download ki jaasakti hai fursat me padne k liye...



Translation done by :
Imran Mohammed Ghousvi.
Kgn786.com Forums
Gem Of Forum


[attachment deleted by admin]
Logged
Altaf Sultani
Ba Tufel-e-Sayed Akhtar Shafiq Sultani Subhani
Global Moderator
Legendary Member
*****
Gender: Male


Join Date: Sep 2009
Location: India
Posts: 9742


« Reply #4 on: March 30, 2010, 11:46:08 AM »

gr8 work bro.....thanx
Logged

Farid Kaale mainde kaprey, kaala mainda wais,
Gunahan Bharehan mai pheraan, Lok kahe dervesh
Fiza
Gem Of Forum
Board Member
***
Gender: Female


Join Date: Dec 2009
Location: Australia
Posts: 4733


« Reply #5 on: March 30, 2010, 12:55:15 PM »

Dear Brother's, its hard enuff me understanding hindi now we are talkin about urdu?Huh Cant we have a mutual ground where every one is happy?Huh Feed back requested plz
Logged

Hasbi Allahu wa ne'mal wakil,Wa`alamu anna feekum Rasul Allah Sallallahu Taala Alaihi Waalihi Wa Sallam
Imran Mohammad Ghousvi
اللهم صل على محمد
Gem Of Forum
Senior Member
***
Gender: Male


Join Date: Jan 2010
Location: Dubai
Posts: 1171


« Reply #6 on: March 30, 2010, 01:03:11 PM »

Dear Brother's, its hard enuff me understanding hindi now we are talkin about urdu?Huh Cant we have a mutual ground where every one is happy?Huh Feed back requested plz

sister for english version of this MoU you can reffer to this link. this is just a translation of the english version of MoU
http://kgn786.com/forum/index.php/topic,7678.0.html
Logged

“And Our duty is only to proclaim the clear message.”[Surah-Ya-Seen-Ayah 17]
Fiza
Gem Of Forum
Board Member
***
Gender: Female


Join Date: Dec 2009
Location: Australia
Posts: 4733


« Reply #7 on: March 30, 2010, 01:09:15 PM »

aight...thnx bro Smiley
Logged

Hasbi Allahu wa ne'mal wakil,Wa`alamu anna feekum Rasul Allah Sallallahu Taala Alaihi Waalihi Wa Sallam
masood
Guest
« Reply #8 on: March 30, 2010, 01:09:34 PM »

 Smiley

english is here..
http://kgn786.com/forum/index.php/topic,7678.0.html

Its for those people who cannot read english we have translated to Urdu..
Bcoz this is a Very important memorandum everybody on this forum should Know about it...and able to understand..
Logged
mamqasmi
Gem Of Forum
Legendary Member
***
Gender: Male

Join Date: Oct 2009
Location: KARACHI - PAKISTAN
Posts: 5262


WWW
« Reply #9 on: March 30, 2010, 01:27:32 PM »

great work done by Imran bhai, really need it.
Logged

Talib e Dua, Sag e Dargah e Aalia MASHORI SHARIF - Faqir Mohammed Atif Minhaj Qasmi Qadri
CHISHTI Prince
Ba Faiz-e-Qul Auliya Allah
Gem Of Forum
Senior Member
***
Gender: Male


Join Date: Jan 2010
Location:
Posts: 1339


WWW
« Reply #10 on: March 31, 2010, 09:43:37 PM »

JazakALLAH Imran Sahab,

Really ur doing Gr8 Job......
Logged

❤️Love towards All , Malice towards None❤️

💐🌹Saying by Huzoor Sultan - ul - Hind Hazrat Khawaja Moinuddeen Chishti RadiAllahanhu🌹💐

💐🌹Let's spread the teaching of ISLAM in the Light of SUFiSM🌹💐
suhail
Active Member
Member
*
Gender: Male

Join Date: Aug 2010
Location: India
Posts: 1


« Reply #11 on: August 03, 2010, 04:01:31 PM »

aight...thnx bro Smiley
JANAB,IMRAN SAHAB,. SUBANALLAH-JAZAKALLAH.  REALLY REALLY YOU HAVE DONE VERY VERY GREAT WORK WHO KNOWS URDU. AGAIN, I THANKS TO YOU.     YOUR BROTHER SUHAIL AHMED BIJLI.
Logged
safvi
Active Member
Member
*
Gender: Male

Join Date: Nov 2010
Location: Pakistan
Posts: 1


« Reply #12 on: November 05, 2010, 03:48:25 PM »

I AM NEWLY JOIN AND NEED TO GET INFORMATION ABOUT AINULLAH SHAH SAFI ALONG WITH HIS SHABEH ( PHOTO)
Logged
ATTARI
Active Member
Legendary Member
*
Gender: Male


Join Date: Mar 2010
Location: Pakistan
Posts: 8686


« Reply #13 on: November 05, 2010, 04:01:22 PM »

WAALAIKUMAssalaam Wa Rehamtullahe Wa Barkathu.
JAZAK ALLAHU KHAIR
Logged

altaf vnb
Member
*
Gender: Male

Join Date: Jun 2011
Location: India
Posts: 1


« Reply #14 on: June 24, 2011, 09:49:02 AM »

baiet ke lea kiy zaruri hai? aur silsila ki tafsil kise dastiyab hosakti hai?
Logged
Pages: [1] 2 3   Go Up
  Print  
 
Jump to: